(ពោធិ៍សាត់)៖ នៅម៉ោង០៤ និង១៥នាទី ថ្ងៃទី១០ ខែមេសា ឆ្នាំ២០២០នេះ មានករណីអគ្គិភ័យមួយបានកើតឡើង បណ្តាលឱ្យឆេះផ្ទះប្រជាពលរដ្ឋ ចំនួន៣ខ្នង ស្ថិតក្នុងភូមិរ៉ា សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់។

លោក យឹម ស៊ាងហៃ អធិការនគរបាលក្រុងពោធិ៍សាត់ បានឱ្យដឹងមុននេះថា ករណីគ្រោះអគ្គិភ័យគួរឱ្យរន្ធត់នេះ បើកកើតឡើងលើម្ចាស់ផ្ទះ ដែលមានឈ្មោះ៖

១-ឈ្មោះ ប៊ុត នឿន ភេទប្រុស អាយុ៤៨ឆ្នាំ មុខរបរលក់ដូរ មានសមាជិកគ្រួសារ ចំនួន០៩នាក់ ស្រី០៦នាក់ ឆេះផ្ទះអស់ទាំងស្រុង មានទំហំ៥×៦ ធ្វើពីឈើ ជញ្ជាំងស័ង្កសី ប្រក់ស័ង្កសី។

២-ឈ្មោះ រ៉ាយ ចាន់ថន ភេទប្រុស អាយុ៤៨ឆ្នាំ មុខរបរប្រជាការពារ មានសមាជិកគ្រួសារ ចំនួន០៨នាក់ ស្រី០៥នាក់ ឆេះផ្ទះទាំងស្រុង មានទំហំ៥×៦ ធ្វើពីឈើ ជញ្ជាំងស័ង្កសី ប្រក់ស័ង្កសី។

៣-ឈ្មោះ ជា ប៊ុនឈន ភេទប្រុស អាយុ៦៩ឆ្នាំ មុខរបរនៅផ្ទះ មានទីលំនៅភូមិពាលញែក២ សង្កាត់ផ្ទះព្រៃ បានជួលផ្ទះទៅឱ្យឈ្មោះ វ៉ែន យ៉ុង ភេទស្រី អាយុ៣៥ឆ្នាំ មុខរបរម៉ាស្សា មានសមា ក ចំនួន០៣នាក់ ស្រី០២នាក់ មានទំហំ៦×១២ ផ្ទះឈើ ប្រក់គ្បឿង ជញ្ជាំងឈើ (ឆេះជញ្ជាំងឈើខាងក្រោយ ប្រហែល១៥ភាគរយ)។

លោកអធិការបន្តថា ករណីអគ្គីភ័យនេះ មិនបណ្តាលឱ្យមានមនុស្សរងរបួសឡើយ និងបានរលត់ទៅវិញទាំងស្រុង នាវេលាម៉ោង ០៥ និង៥៥នាទី ថ្ងៃខែឆ្នាំដដែល ដោយប្រើប្រាស់រថយន្តអន្តរាគមន៍ ជួយពន្លត់អគ្គីភ័យខេត្ត ចំនួន០៣គ្រឿង ដោយប្រើប្រាស់ទឹក ចំនួន០៦ឡាន។

ចំពោះករណីនេះ សមត្ថកិច្ចពុំទាន់អាចដាក់ការសន្និដ្ឋាន ថាមូលហេតុមកអ្វីនៅឡើយទេ៕

Ti Amo (ពស)