រដ្ឋបាលខេត្តពោធិ៍សាត់

Pursat Administration

រដ្ឋបាលខេត្តពោធិ៍សាត់

Pursat Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ខេត្តពោធិ៍សាត់ ឆ្លើយតបនឹងការអំពាវនាវរបស់សម្តេចតេជោ ដោយឱ្យក្រុមការងារ បន្តយកអង្ករចែកជូនពលរដ្ឋដែលខ្វះខាតតាមខ្នងផ្ទះ ក្នុងពេលជំងឺកូវីដ១៩ កំពុងរីករាលដាលជាសកល

ដោយ Adminចំនួនទស្សនា (675)

(ពោធិ៍សាត់)៖ ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងជាប្រធានក្រុមការងារចុះជួយក្រុងពោធិ៍សាត់ នាថ្ងៃទី២៥ ដល់២៨ ខែមីនា ឆ្នាំ២០២០ បានចាត់ឱ្យក្រុមការងារ ដែលដឹកនាំដោយ ឯកឧត្តម រ៉ែម សាមឿន និងឯកឧត្តម ហេង ទ្រី សមាជិកក្រុមប្រឹក្សាខេត្ត បន្តចុះ​ចែក​អង្ករ តាម​ខ្នងផ្ទះប្រជាពលរដ្ឋដែលខ្វះខាត បានជាច្រើនគ្រួសារ ព្រមទាំងធ្វើការផ្សព្វផ្សាយសាររួមគ្នា តាមទីសាធារណៈ និងរោងចក្រ ដើម្បីការពារ និងទប់ស្កាត់ ជំងឺឆ្លងកូវីដ១៩ (Covid-19) ក្នុងពេលដែល​ជំងឺនេះ កំពុង​រីក​រាលដាល​ជាសកល។

ទាំងនេះគឺជាការឆ្លើយតប ទៅនឹងការអំពាវនាវរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសជួបសំណេះសំណាលជាមួយគ្រូពេទ្យ ស្ម័គ្រចិត្តសម្តេចតេជោ ប្រមាណជាង៤០០នាក់ កាលពីថ្ងៃទី២៥ ខែមីនា ឆ្នាំ២០២០ នៅវិមានសន្តិភាពរាជធានីភ្នំពេញ។

សម្តេចតេជោ បានអំពាវនាវយ៉ាងដូច្នេះថា «ក្រុមការងារ​ចុះជួយ​តាមបណ្តា​រាជធានីខេត្ត ស្រុក ក្រុង ត្រូវចុះ​ចែក​អង្ករ និង​ចែក​ក្រមា ឬម៉ាស​តាម​ផ្ទះ ដល់​អ្នក​ខ្វះខាត ក្នុងពេលដែល​ជំងឺ​កូ​វីដ​១៩ កំពុង​រីក​រាលដាល​។ ក្នុងនោះខេត្តកណ្តាល ដែលមាន​ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ ជា​ប្រធាន​ក្រុមការងារថ្នាក់ជាតិចុះជួយខេត្តកណ្តាល ត្រូវ​ចាប់​ផ្តើមធ្វើ​មុនគេ។ ជាមួយគ្នានោះ ត្រូវផ្សព្វផ្សាយសាររួមគ្នា ដើម្បីការពារ និងទប់ស្កាត់ ការរីករាលដាល នៃជំងឺឆ្លង Covid-19 នៅក្នុងប្រទេសកម្ពុជា ហើយអំឡុងពេលនេះ សូមប្រជាពលរដ្ឋកុំចេញពីផ្ទះប្រសិនមិនមានករណីចាំបាច់។»

ពេលវេលាចែកអង្ករតាមផ្ទះ​..តោះស្តាប់ប្រសាសន៏សម្តេចតេជោហ៊ុន​ សែន

បាន​បង្ហោះ​ដោយ FBTV Live 24h នៅ ពុធ 25 មីនា 2020

សូមជម្រាបថា គិតរហូតដល់ព្រឹកថ្ងៃទី២៨ ខែមីនា ឆ្នាំ២០២០នេះ កម្ពុជាបានរកឃើញអ្នកឆ្លងជំងឺកូវីដ១៩ ចំនួន១០២នាក់ហើយ ដែលក្នុងនោះមាន១៣នាក់ ត្រូវបានព្យាបាលឱ្យជាសះស្បើយ និង៨៩នាក់ កំពុងព្យាបាលនៅមន្ទីរពេទ្យរដ្ឋ។ សម្រាប់ខេត្តពោធិ៍សាត់ នៅពុំទាន់មានករណីនេះផ្ទុះឡើងនៅឡើយទេ៕

Ti Amo (ពស)

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
លេខអគ្គិភ័យគ្មាន
លេខសង្គ្រោះគ្រោះថ្នាក់ចរារចរណ៍គ្មាន
លេខទទួលព័ត៌មាន(ប៉ូលីស)គ្មាន
ព័ត៌មានជាប់ទាក់ទង

ផ្លូវលេខ១០១, ភូមិពាលញែក២, សង្កាត់ផ្ទះព្រៃ, ក្រុងពោធិ៍សាត់

អ៊ីមែល : pursat.info@gmail.com

លេខទូរស័ព្ទ : (+855) 17 992 724

© 2020

រក្សាសិទ្ធិគ្រប់យ៉ាងដោយ រដ្ឋបាលខេត្តពោធិ៍សាត់ CopyRight by Pursat Administration

កែប្រែចុងក្រោយ : 14 ម៉ោងមុន