រដ្ឋបាលខេត្តពោធិ៍សាត់

Pursat Administration

រដ្ឋបាលខេត្តពោធិ៍សាត់

Pursat Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ថ្ងៃនេះ គឺជាខួប២ឆ្នាំ ដែលខេត្តពោធិ៍សាត់ ទទួលបានពានរង្វាន់ និងវិញ្ញាបនបត្រ ផ្នែកសូចនាករទឹកស្អាន ទីក្រុងអាស៊ាន នៅប្រទេសព្រុយណេ (Video inside)

ដោយ Adminចំនួនទស្សនា (194)

(ពោធិ៍សាត់)៖ កន្លងទៅ២ឆ្នាំហើយ! ក្រឡេកមកវិញកាលពីយប់ថ្ងៃទី១២ ខែកញ្ញា ឆ្នាំ២០១៧កន្លងទៅ ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បានដឹកនាំប្រតិភូ ទៅចូលរួមទទួលពានរង្វាន់ និងវិញ្ញាបនបត្រផ្នែកសូចនាករទឹកស្អាត ទីក្រុងអាស៊ាន ឆ្នាំ២០១៧ នៅទីក្រុង Bandar Seri Begawan នៃប្រទេសប្រុយណេ ហើយត្រូវបានធ្វើពិធីដង្ហែអបអរសាទរយ៉ាងឱឡារឹក កាលពីរសៀលថ្ងៃទី១៥ ខែកញ្ញា ឆ្នាំ២០១៧ ដោយមានប្រជាពលរដ្ឋចូលរួមរហូតទៅដល់ជាង២ពាន់នាក់។

នេះគឺជាមោទនភាពខ្លាំងណាស់សម្រាប់ប្រទេសកម្ពុជា ជាពិសេសខេត្តពោធិ៍សាត់ និងប្រជាពលរដ្ឋទូទាំងខេត្ត។ ដោយសារខេត្តនេះ មានធនធានធម្មជាតិ និងសក្តានុពលជាច្រើន ជាពិសេសទំនប់ធារាសាស្ត្រខ្នាតយក្ស២កន្លែង គឺទំនប់ទី៣ និងទី៥ នៅស្រុកភ្នំក្រវាញ គួបផ្សំទឹកស្ទឹងពោធិ៍សាត់ ដែលហូរចេញពីជួរភ្នំក្រវាញ មិនចេះរីងស្ងួត (ស្ទឹងរស់) ឆ្លងកាត់ទំនប់ដំណាក់អំពិល ទំនប់ចារឹក និងមានប្រព័ន្ធធារាស្ត្រខ្វាត់ខ្វែង ប្រឡាយមេ ប្រឡាយរង រហូតហូរទៅដល់បឹងទន្លេសាប សម្រាប់បម្រើសេចក្តីត្រូវការប្រជាពលរដ្ឋ និងប្រើប្រាស់ទៅលើដំណាំកសិកម្ម ឧស្សាហកម្ម សិប្បកម្ម និងសត្វពាហនៈ គ្រប់រដូវកាល។

សូមបញ្ជាក់ថា នៅប្រទេសកម្ពុជា មានទីក្រុងចំនួន២តែប៉ុណ្ណោះ ដែលបានចាត់ចូលជាទីក្រុង គម្រូអាស៊ាន គឺ«ក្រុងពោធិ៍សាត់ ខេត្តពោធិ៍សាត់ និងក្រុងកែប ខេត្តកែប» បានចូលខ្លួនប្រគួតប្រជែងដណ្តើម ពានរង្វាន់និរន្តរភាពបរិស្ថានទីក្រុង ឆ្នាំ២០១៧ ដែលតែងតែធ្វើឡើងក្នុងរយៈពេល៤ឆ្នាំម្តង។ ការប្រឡងប្រណាំងពានរង្វាន់និរន្តរភាពទីក្រុងអាស៊ាន និងវិញ្ញាបនបត្រទទួលស្គាល់ទឹកស្អាត ដីស្អាត និងខ្យល់ស្អាត ក្នុងឆ្នាំ២០១៧កន្លងទៅ បានកំណត់យកទីក្រុងកែប ខេត្តកែប សម្រាប់ពានរង្វាន់និរន្តរភាពបរិស្ថាន ទីក្រុងអាស៊ាន, ទីក្រុងពោធិ៍សាត់ ខេត្តពោធិ៍សាត់ សម្រាប់សូចនាករទឹកស្អាត, ទីក្រុងព្រះសីហនុ សម្រាប់សូចនាករខ្យល់ស្អាត និងទីក្រុងសៀមរៀប ខេត្តសៀមរាប សម្រាប់សូចនាករដីស្អាត។ កាលពីថ្ងៃទី២៦-២៨ ខែមេសា ឆ្នាំ២០១៧កន្លទៅ ក្នុងកិច្ចប្រជុំសមាជិកអាស៊ាន នៅខេត្តសៀមរាប គណៈកម្មាធិការវាយតម្លៃចលនាប្រឡងប្រណាំង បានកំណត់យកទីក្រុងចំនួន១០ នៃសមាជិកអាស៊ាន ក្នុងនោះប្រទេសកម្ពុជា ទីក្រុងកែប បានទទួលពានរង្វាន់និរន្តរភាពបរិស្ថាន និងទីក្រុងតូចធំចំនួន១០ទៀត ក្នុងនោះប្រទេសកម្ពុជា ទីក្រុងពោធិ៍សាត់ ទទួលបានពាន់រង្វាន់ និងវិញ្ញាបនបត្រ លើផ្នែកសូចនាករទឹកស្អាតអាស៊ាន។ ហើយត្រូវបានឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងឯកឧត្តម កែន សត្ថា អភិបាលនៃគណៈអភិបាលខេត្តកែប ដឹកនាំប្រតិភូទៅទទួលផ្ទាល់ ក្នុងកិច្ចប្រជុំរដ្ឋមន្ត្រី បរិស្ថានអាស៊ាន នៅទីក្រុង Bandar Seri Begawan នៃប្រទេសប្រុយណេ កាលពីថ្ងៃទី១២ ខែកញ្ញា ឆ្នាំ២០១៧ ដោយគិតមកដល់ពេលនេះ មានរយៈពេល២ឆ្នាំទៅហើយ។

ចំពោះកាដូដែលទទួលបានថ្មីៗនេះ គឺមន្ទីរពេទ្យបង្អែកបាកាន បានទទួលពានរង្វាន់ជ័យលាភីលេខ១ នៃការផ្តល់សេវាសាធារណៈគំរូ ក្នុងវិស័យសុខាភិបាល និងមន្ទីរពេទ្យបង្អែកពោធិ៍សាត់ បានទទួលពានរង្វាន់ ជ័យលាភីលេខ៧ នៃការផ្តល់សេវាសំណុំសកម្មភាពបង្គ្រប់កម្រិត៣គំរូ ហើយត្រូវបានធ្វើពិធីដង្ហែយ៉ាងឱឡារឹកដូចគ្នា កាលពីថ្ងៃទី២៧ ខែសីហា ឆ្នាំ២០១៩កន្លងទៅ៕

Ti Amo (ពស)

ខេត្តពោធិ៍សាត់ អបអរសាទរដង្ហែពានរង្វាន់ជយលាភីលេខ១

ខេត្តពោធិ៍សាត់ អបអរសាទរដង្ហែពានរង្វាន់ជយលាភីលេខ១ របស់មន្ទីរពេទ្យបង្អែកបាកាន និងលេខ៧ របស់មន្ទីរពេទ្យបង្អែកពោធិ៍សាត់ នៃការផ្តល់សេវាសុខាភិបាលគំរូ (Video inside)(ពោធិ៍សាត់)៖ មន្ទីរសុខាភិបាលខេត្តពោធិ៍សាត់ នាថ្ងៃទី២៧ ខែសីហា ឆ្នាំ២០១៩នេះ បានរៀបចំពីធីដង្ហែពានរង្វាន់ជយលាភីលេខ១ នៃការផ្តល់សេវាសាធារណៈគំរូ ក្នុងវិស័យសុខាភិបាល របស់មន្ទីរពេទ្យបង្អែកបាកាន និងជ័យលាភីលេខ៧ នៃការផ្តល់សេវាសំណុំសកម្មភាពបង្គ្រប់កម្រិត៣គំរូ របស់មន្ទីរពេទ្យបង្អែកពោធិ៍សាត់ ដែលទទួលស្គាល់ពីរាជរដ្ឋាភិបាលកម្ពុជា និងក្រសួងសុខាភិបាល ប្រចាំឆ្នាំ២០១៩។ពិធីនេះត្រូវបានដង្ហែចេញពីសាលប្រជុំសាលាខេត្តពោធិ៍សាត់ តាមក្បួនរថយន្ត ឆ្ពោះទៅកាន់មន្ទីរពេទ្យបង្អែកបាកាន ដែលស្ថិតក្នុងភូមិបឹងខ្នារ ឃុំបឹងខ្នារ ស្រុកបាកាន ក្រោមការដឹកនាំរបស់លោក ម៉ក់ រ៉ា ប្រធានក្រុមប្រឹក្សាខេត្ត និងលោក ម៉ៅ ធនិន អភិបាលនៃគណៈអភិបាលខេត្តពោធិ៍សាត់។លោកវេជ្ជបណ្ឌិត កែវ សាងផលបុណ្យ ប្រធានការិយាល័យស្រុកប្រតិបត្តិបាកាន បានឲ្យដឹងថា មុននឹងទទួលបានជ័យលាភីនេះ មន្ទីរពេទ្យរួមទាំងក្រុមគ្រូពេទ្យ និងបុគ្គលិកពេទ្យទាំងអស់ បានប្រតិបត្តិ និងបម្រើពលរដ្ឋ ដោយមិនគិតពីការនឿយហត់គ្រប់វិនាទី។ លោកវេជ្ជបណ្ឌិតបន្ថែមថា បុគ្គលិកពេទ្យទាំងអស់ បានប្រើប្រាស់តួនាទីទៅតាមឋានានុក្រមគ្រួសារ និងគោរពទៅតាមក្រមសិលធម៌ វិជ្ជាជីវៈ ស្ថិតក្នុងភាពថ្លៃថ្នូរ រួមទាំងការថែរក្សាអនាម័យ បរិស្ថាន នៅក្នុងបរវេណមន្ទីរពេទ្យ ឲ្យមានសោភ័ណ្ឌភាព និងបរិយាកាសល្អប្រសើរ។លោកវេជ្ជបណ្ឌិត បានបញ្ជាក់ថា ការទទួលជយលាភីនេះ មិនមែនមកពីបុគ្គលម្នាក់ទេ គឺបានមកពីការចូលរួមពីបុគ្គលិកពេទ្យ និងប្រជាពលរដ្ឋ ព្រមទាំងការមើលឃើញជាក់ស្តែង នូវបំរើ សេវាសាធារណៈ និងការព្យាបាលរបស់ក្រុមគ្រូពេទ្យទាំងអស់ ក្រោមការដឹកនាំរបស់មន្ទីរសុខាភិបាលខេត្ត។ លោកវេជ្ជបណ្ឌិត បានបង្ហាញអារម្មណ៍សប្បាយចិត្ត ក្រោយការវាយតម្លៃ របស់រាជរដ្ឋាភិបាល មកលើមន្ទីរពេទ្យបង្អែកស្រុកបាកាន ទទួលបានជ័យលាភីលេខ១ នៃការផ្តល់សេវាសាធារណៈគំរូ ក្នុងវិស័យសុខាភិបាល និងជ័យលាភីលេខ៧ នៃការផ្តល់សេវាសំណុំសកម្មភាពបង្គ្រប់កម្រិត៣គំរូ របស់មន្ទីរពេទ្យបង្អែកពោធិ៍សាត់ ដែលធ្វើឲ្យមានភាពល្បីល្បាយផងដែរ។ អ្វីដែលសំខាន់ លោកនិងបុគ្គលិកទាំងអស់ នៅតែខិតខំប្រឹងប្រែងបន្តទៀត ដើម្បីប្រកួតប្រជែងនៅឆ្នាំក្រោយៗទៀត។លោក ម៉ៅ ធនិន បានថ្លែងថា ក្នុងនាមជាថ្នាក់ដឹងនាំខេត្ត និងតំណាងឲ្យប្រជាពលរដ្ឋទូទាំងខេត្ត ឯកឧត្តមមានសេចក្តីសោមនស្សរីករាយក្រៃលែង ដោយសបញ្ជាក់ឲ្យឃើញពីស្មារតីខិតខំប្រឹងប្រែង របស់បុគ្គលិកពេទ្យ នៃមន្ទីរពេទ្យបង្អែកបាកាន និងមន្ទីរពេទ្យបង្អែកពោធិ៍សាត់។ ទន្ទឹមគ្នានោះ លោកសូមឲ្យក្រុមគ្រូពេទ្យនៅគ្រប់មូលដ្ឋាន ត្រូវបន្តយកចិត្តដាក់បន្ថែមទៀត ដើម្បីលើកស្ទួយផ្នែកវិស័យសុខាភិបាល វិស័យអប់រំ ឲ្យកាន់តែមានភាពរីកចម្រើន និងធ្វើជាមន្ទីរពេទ្យដ៏គំរូ ឲ្យកាន់តែប្រសើរជាងនេះទៅទៀត។លោកបានអំពាវនាវ ដល់បុគ្គលិកពេទ្យទាំងអស់ ត្រូវអនុវត្តន៍ទៅតាមក្រមសីលធម៌ វិជ្ជាជីវៈរបស់ខ្លួន ឆ្លើយតបទៅតាមគោលនយោបាយរបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន នាយករដ្ឋមន្ត្រី ជាមេដឹកនាំដ៏ឈ្លាសវៃ ដែលរកសុខសន្តិភាព សុវត្ថិភាព ជូនប្រជាពលរដ្ឋពេញផ្ទៃប្រទេស ឲ្យមានខឿនសេដ្ឋកិច្ចរីកចំរើនគ្រប់វិស័យ និងបង្កើនធនធានមនុស្ស ឲ្យមានភាពលូតលាស់ថែមទៀត។សូមបញ្ជាក់ថា កាលពីថ្ងៃទី០៧ ខែសីហា ឆ្នាំ២០១៩កន្លងទៅ នៅវិទ្យាស្ថានជាតិអប់រំ, លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញផ្តល់កិត្តិយសប្រគល់ពានរង្វាន់ដល់ម្ចាស់ជ័យលាភីលេខ១ នៃអង្គភាពផ្តល់សេវាសាធារណៈគំរូ ក្នុងវិស័យអប់រំ ចំនួនមួយគឺ វិទ្យាល័យពេជ្រចិន្តា ខេត្តបាត់ដំបង និងអង្គភាពផ្តល់សេវាសាធារណៈគំរូ ក្នុងវិស័យសុខាភិបាលចំនួនបីគឺ មន្ទីរពេទ្យបង្អែកបាកាន ខេត្តពោធិ៍សាត់ មន្ទីរពេទ្យបង្អែកខេត្តកោះកុង និងមន្ទីរពេទ្យខេត្តកំពង់ចាម។ក្នុងពិធីនោះក៏បានការអញ្ជើញចូលរួមជាគណៈអធិបតី ពីសំណាក់លោកកិត្តិបណ្ឌិត ពេជ្រ ប៊ុនធិន រដ្ឋមន្រ្តីក្រសួងមុខងារសាធារណៈ, លោកសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល និងលោកបណ្ឌិតសភាចារ្យ ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡាផងដែរ៕

បាន​បង្ហោះ​ដោយ Fresh News នៅ អង្គារ 27 សីហា 2019
ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
លេខអគ្គិភ័យគ្មាន
លេខសង្គ្រោះគ្រោះថ្នាក់ចរារចរណ៍គ្មាន
លេខទទួលព័ត៌មាន(ប៉ូលីស)គ្មាន
ព័ត៌មានជាប់ទាក់ទង

ផ្លូវលេខ១០១, ភូមិពាលញែក២, សង្កាត់ផ្ទះព្រៃ, ក្រុងពោធិ៍សាត់

អ៊ីមែល : pursat.info@gmail.com

លេខទូរស័ព្ទ : (+855) 17 992 724

© 2020

រក្សាសិទ្ធិគ្រប់យ៉ាងដោយ រដ្ឋបាលខេត្តពោធិ៍សាត់ CopyRight by Pursat Administration

កែប្រែចុងក្រោយ : 9 ម៉ោងមុន