![](https://asset.cambodia.gov.kh/provincial/sites/21/2019/08/IMG_0387-1024x683.jpg)
(ពោធិ៍សាត់)៖ ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ នាថ្ងៃទី១៤ ខែសីហា ឆ្នាំ២០១៩នេះ បានលើកឡើងថា លិខិតស្នាមនៃការតែងតាំងមួយសន្លឹកនេះ គឺគ្រាន់តែជាចំណាត់តាំងប៉ុណ្ណោះ ប៉ុន្តែអត្ថន័យ និងខ្លឹមសារពិតប្រាកដ ដែលមិនអាចកាត់ថ្លៃបាន គឺទង្វើរ និងសកម្មភាពរបស់យើង, ដូច្នេះអ្នកដែលមកទទួលនូវការចាត់តាំងនេះ សូមឲ្យមកទាំងខ្លួន មកទាំងចិត្ត មកទាំងសុខទុក្ខ មកទាំងមនសិការ ហើយគ្រប់យ៉ាងទាំងអស់នេះមកជាមួយ គឺដើម្បីបម្រើប្រជាពលរដ្ឋរបស់យើង ក្នុងនាមជាសាច់ ជាឈាម ក្នុងក្រុមគ្រួសារយើងតែមួយ។
![](https://asset.cambodia.gov.kh/provincial/sites/21/2019/08/DJI_0769-1024x683.jpg)
ឯកឧត្តមបានលើកឡើងបែបនេះ ក្នុងពិធីប្រកាសតែងតាំងនាយករដ្ឋបាល និងប្រគល់ត្រា ប្រធានការិយាល័យភូមិបាល ស្រុកតាលោសែនជ័យ ដោយបានការចូលរួមពីឯកឧត្តម ម៉ក់ រ៉ា ប្រធានក្រុមប្រឹក្សាខេត្ត ព្រមទាំងមន្ត្រីអ្នកមុខអ្នកការ អាជ្ញាធរមូលដ្ឋានយ៉ាងច្រើនកុះករ។
យោងតាមប្រកាសលេខ ៥៦៥៩ ប្រ.ក ចុះថ្ងៃទី២៧ ខែមិថុនា ឆ្នាំ២០១៩ របស់ក្រសួងមហាផ្ទៃ ត្រូវបានប្រកាសតែងតាំងលោក ឆេង ហ៊ុល ឲ្យកាន់មុខតំណែង ជានាយករដ្ឋបាល និងប្រគល់ត្រាជូនលោក កែវ មៃក្រឺឌី ប្រធានការិយាល័យភូមិបាលស្រុកតាលោសែនជ័យ។
![](https://asset.cambodia.gov.kh/provincial/sites/21/2019/08/DJI_0775-1024x683.jpg)
បន្ទាប់ពីលោក ឆេង ហ៊ុល នាយករដ្ឋបាលថ្មី សាលាស្រុកតាលោសែនជ័យ បានប្តេជ្ញាចិត្តរួចមក, ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បានថ្លែងថា កន្លងមកយើងបានប្រកាសអភិបាលស្រុក និងថ្នាក់ដឹកនាំស្រុកមួយចំនួនរួចមកហើយ តែថ្ងៃនេះយើងប្រកាសជាផ្លូវការ នាយករដ្ឋបាល និងប្រគល់ត្រា ជូនប្រធានការិយាល័យភូមិបាលស្រុក ដើម្បីទទួលកិច្ចការថ្មី ជាប្រយោជន៍បម្រើសេវាសាធារណៈជូនប្រជាពលរដ្ឋ នៅក្នុងដែនសមត្ថកិច្ចខ្លួន ឲ្យទទួលបានទាំងបរិមាណ និងគុណភាព។ ឯកឧត្តមបានបន្ថែមថា ស្រុកនេះគឺជាស្រុកកូនពៅគេ ដែលទើបនឹងបង្កើតថ្មី ដូចនេះត្រូវបន្តការខិតខំប្រឹងប្រែងឲ្យអស់ពីកម្លាំងកាយ កម្លាំងចិត្ត ប្រាជ្ញាស្មារតី មានមនសិការលះបង់ ជំនះពុះពារ នូវរាល់គ្រប់ឧបសគ្គ ភាពស្មុកស្មាញ គ្រប់បែបយ៉ាង ដើម្បីភាពសុខសាន្តរបស់ប្រជាពលរដ្ឋនៅក្នុងតំបន់នេះ ដោយអនុវត្តទៅតាមច្បាប់ក្រិតវិន័យ បទបញ្ជាផ្ទៃក្នុង របៀបរបបធ្វើការ ទុកដាក់ ឯកសារ លិខិតស្នាមរដ្ឋបាល និងឯកសារពាក់ព័ន្ធដីធ្លីរបស់ប្រជាពលរដ្ឋ ឲ្យបានត្រឹមត្រូវ និងចេះគ្រប់គ្រងពេលវេលា ចែករំលែកការងារ ផ្តល់ទំនុកចិត្ត និងជួយគ្នាទៅវិញទៅមក។
ឯកឧត្តមបានលើកឡើងថា ការអភិវឌ្ឍរីកចម្រើន នៃសង្គមជាតិយើងនាពេលបច្ចុប្បន្ននេះ គឺមិនអាចកើតមានបានទេ បើមិនមានសន្តិភាព ហេតុនេះយើងត្រូវចូលរួមថែរក្សា សុខសន្តិភាព ស្ថេរភាពនេះឲ្យបានគង់វង្ស សម្រាប់ប្រយោជន៍ដល់កូនចៅយើងជំនាន់ក្រោយៗទៀត បានឃើញបានស្គាល់អំពីសមិទ្ធផលទាំងនោះ។ ឯកឧត្តមមានប្រសាសន៍ទៀតផ្តាំផ្ញើ សូមឲ្យក្រុមប្រឹក្សាស្រុក គណអភិបាលស្រុក និងរដ្ឋបាលឃុំ ភូមិ បង្កើននូវចំណងសាមគ្គីភាព ឯកភាព ព្រោះវាជាគ្រឹះផ្តល់នូវភាពសុខសាន្តជូនប្រជាពលរដ្ឋ តែបើយើងមិនចេះផ្តល់លទ្ធភាព ឱ្យមន្ត្រីថ្នាក់ក្រោមទេនោះ ផលវិបាក ធ្លាក់មកលើរូបយើងជាអ្នកដឹកនាំ និងទទួលរ៉ាប់រងទាំងស្រុង ព្រោះថាកិច្ចការអ្វីៗទាំងអស់ មិនអាចធ្វើតែម្នាក់ឯងបាននោះទេ បើគ្មានអ្នកចូលរួម ហេតុនេះទាមទារ ឱ្យមានការសាមគ្គីឯកភាពគ្នា និងចូលរួមអនុវត្តនូវគោលនយោបាយ ភូមិ ឃុំ មានសុវត្ថិភាព៕
Ti Amo (ពស)
![](https://asset.cambodia.gov.kh/provincial/sites/21/2019/08/IMG_0300-1024x683.jpg)
![](https://asset.cambodia.gov.kh/provincial/sites/21/2019/08/IMG_0304-1024x683.jpg)
![](https://asset.cambodia.gov.kh/provincial/sites/21/2019/08/IMG_0309-1024x683.jpg)
![](https://asset.cambodia.gov.kh/provincial/sites/21/2019/08/IMG_0310-1024x683.jpg)
![](https://asset.cambodia.gov.kh/provincial/sites/21/2019/08/IMG_0315-1024x683.jpg)
![](https://asset.cambodia.gov.kh/provincial/sites/21/2019/08/IMG_0319-1024x683.jpg)
![](https://asset.cambodia.gov.kh/provincial/sites/21/2019/08/IMG_0321-1024x683.jpg)
![](https://asset.cambodia.gov.kh/provincial/sites/21/2019/08/IMG_0325-1024x683.jpg)
![](https://asset.cambodia.gov.kh/provincial/sites/21/2019/08/IMG_0330-1024x683.jpg)
![](https://asset.cambodia.gov.kh/provincial/sites/21/2019/08/IMG_0332-1024x683.jpg)
![](https://asset.cambodia.gov.kh/provincial/sites/21/2019/08/IMG_0334-1024x683.jpg)
![](https://asset.cambodia.gov.kh/provincial/sites/21/2019/08/IMG_0337-1024x683.jpg)
![](https://asset.cambodia.gov.kh/provincial/sites/21/2019/08/IMG_0350-1024x683.jpg)
![](https://asset.cambodia.gov.kh/provincial/sites/21/2019/08/IMG_0356-1024x683.jpg)
![](https://asset.cambodia.gov.kh/provincial/sites/21/2019/08/IMG_0360-1024x683.jpg)
![](https://asset.cambodia.gov.kh/provincial/sites/21/2019/08/IMG_0363-1024x683.jpg)
![](https://asset.cambodia.gov.kh/provincial/sites/21/2019/08/IMG_0371-1024x683.jpg)
![](https://asset.cambodia.gov.kh/provincial/sites/21/2019/08/IMG_0397-1024x683.jpg)
![](https://asset.cambodia.gov.kh/provincial/sites/21/2019/08/IMG_0398-1024x683.jpg)
![](https://asset.cambodia.gov.kh/provincial/sites/21/2019/08/IMG_0399-1024x683.jpg)
![](https://asset.cambodia.gov.kh/provincial/sites/21/2019/08/IMG_0402-1024x683.jpg)
![](https://asset.cambodia.gov.kh/provincial/sites/21/2019/08/IMG_0407-1024x683.jpg)
![](https://asset.cambodia.gov.kh/provincial/sites/21/2019/08/IMG_0410-1024x683.jpg)