រដ្ឋបាលខេត្តពោធិ៍សាត់

Pursat Administration

រដ្ឋបាលខេត្តពោធិ៍សាត់

Pursat Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

មន្ទីរធនធានទឹក និងឧតុនិយម ខេត្តពោធិ៍សាត់ ចេញសេចក្តីជូនដំណឹង ស្តីពីស្ថានភាពទឹកស្ទឹងពោធិ៍សាត់ កើនឡើងក្នុងកម្រិតប្រកាសអាសន្ន (Video inside)

ដោយ Adminចំនួនទស្សនា (802)
អភិបាលខេត្តពោធិ៍សាត់ ស្នើដល់ពលរដ្ឋ ដុះលាងបោសសំអាត…

អភិបាលខេត្តពោធិ៍សាត់ ស្នើដល់ពលរដ្ឋ ដុះលាងបោសសំអាត ចំពោះមន្ត្រីមួយចំនួន ដែលប្រើប្រាស់អំណាច តួនាទី គៀបសង្កត់ ការរស់នៅរបស់ប្រជាពលរដ្ឋ(ពោធិ៍សាត់)៖ លោក ម៉ៅ ធនិន អភិបាលខេត្តពោធិ៍សាត់ និងជាប្រធានក្រុមការងារថ្នាក់ជាតិ ចុះមូលដ្ឋានក្រុងពោធិ៍សាត់ នាថ្ងៃទី១០ ខែសីហា ឆ្នាំ២០១៩ បានស្នើដល់ប្រជាពលរដ្ឋ ចូលរួមសហការ ធ្វើយ៉ាងណា ជួយដុះលាងបោសសំអាត ចំពោះមន្ត្រីមួយចំនួនដែលបានប្រើប្រាស់អំណាច តួនាទី គៀបសង្កត់ បង្កការលំបាកនៅក្នុងមូលដ្ឋាន ត្រូវរាយការណ៍មករដ្ឋបាលខេត្តជាបន្ទាន់ ដើម្បីមានវិធានការទប់ស្កាត់។ ក្នុងនោះដែរលោកសូមឲ្យមន្ត្រី គ្រប់ផ្នែក គ្រប់ថ្នាក់ មានចិត្តតស៊ូ ព្យាយាម ស្អាតស្អំក្នុងការបំពេញភារកិច្ច និងផ្តល់សេវាសាធារណៈឲ្យបានទាន់ពេលវេលា ដោយចាត់ទុកថា ប្រជាពលរដ្ឋជាចៅហ្វាយនាយរបស់យើង។ ការស្នើបែបនេះ ធ្វើឡើងក្នុងវេទិកាសាធារណៈ របស់ក្រុមការងារថ្នាក់ជាតិ ចុះមូលដ្ឋានក្រុងពោធិ៍សាត់ នៅបរិវេណសាលាខេត្តពោធិ៍សាត់ ដោយបានការចូលរួមពី លោក ម៉ក់ រ៉ា ប្រធានក្រុមប្រឹក្សាខេត្ត លោក លោកស្រី ក្រុមប្រឹក្សាខេត្ត អ្នកតំណាងរាស្ត្រ គណៈអភិបាលខេត្ត ថ្នាក់ដឹកនាំមន្ទីរអង្គភាពនានាជុំវិញខេត្ត ក្រុមប្រឹក្សាសង្កាត់ មេប៉ុស្តិ៍ មេភូមិ ព្រមទាំងបងប្អូនប្រជាពលរដ្ឋអញ្ជើញមកពីសង្កាត់ទាំង៧ នៃក្រុងពោធិ៍សាត់ ប្រមាណជិត១ពាន់នាក់។ លោក ម៉ៅ ធនិន អភិបាលនៃគណអភិបាលខេត្ត និងជាប្រធានក្រុមការងារថ្នាក់ជាតិ ចុះជួយមូលដ្ឋានក្រុងពោធិ៍សាត់ បានឲ្យដឹងនៅក្នុងអំឡុងវេទិកាសាធារណៈនោះថា យោងតាមសេចក្តីសម្រេច និងសេចក្តីណែនាំរបស់រាជរដ្ឋាភិបាលកម្ពុជា ក្រុមការងារថ្នាក់ជាតិចុះជួយមូលដ្ឋានក្រុងពោធិ៍សាត់ ក្នុងនោះក៏មានវាគ្មិនសំខាន់ៗមកពីគ្រប់ក្រសួង មន្ទីរ និងអង្គភាពពាក់ព័ន្ធ ជាអ្នកសម្របសម្រួល និងធ្វើការដោះស្រាយនូវរាល់សំណូមពរ និងបញ្ហាប្រឈមនានាឲ្យចំគោលដៅ ដែលមូលដ្ឋានបានលើកឡើង។ លោកបានឲ្យដឹងទៀតថា វេទិកាសាធារណៈនៅមូលដ្ឋាន គឺផ្ដោតលើការយកចិត្តទុកដាក់ អំពីស្ថានភាពជីវភាពរស់នៅរបស់ប្រជាពលរដ្ឋ និងការចុះជួបប្រាស្រ័យដោយផ្ទាល់ ដើម្បីស្ដាប់ក្ដីកង្វល់ សំណូមពរ និងសំណើរបស់ប្រជាពលរដ្ឋ ព្រមទាំងយកចិត្តទុកដាក់ ជំរុញការដោះស្រាយនូវរាល់ក្តីកង្វល់ សំណូមពរ និងសំណើទាំងអស់ ដោយផ្អែកលើច្បាប់ និងលិខិតបទដ្ឋានគតិយុត្តនានា បើក្នុងករណីក្រុមការងារមិនអាចដោះស្រាយបាន ក្រុមការងារថ្នាក់ជាតិ នឹងបូកសរុបធ្វើរបាយការណ៍ជូនរាជរដ្ឋាភិបាល ដើម្បីពិនិត្យ និងឆ្លើយតបជូនប្រជាពលរដ្ឋវិញ។ លោកបានថ្លែងបន្ថែមថា បើផ្នែកតាមវេទិកាមួយព្រឹកនេះ ពិនិត្យជារួមឃើញថា អ្វីដែលជាតម្រូវការ និងទទូចចង់បានពី មូលដ្ឋាននោះ គឺភាគច្រើនអំពីហេដ្ឋារចនាសម្ព័ន្ធ ជួយអន្តរាគមន៍ដំណាំស្រូវ ដែលជួបគ្រោះរាំងស្ងួត ក្រៅពីនោះជួយពង្រីក បណ្តាញភ្លើង និងពង្រីកប្រព័ន្ធទឹកស្អាត ដែលនៅខ្វះចន្លោះនៅតាមភូមិនីមួយៗ។ ចំពោះតម្រូវការយ៉ាងទទូចនោះ ត្រូវបានលោកធ្វើការសម្របសម្រួល និងដោះស្រាយជូនភ្លាមៗផ្ទាល់តែម្តង។ដោយឡែកសំណូមពរមួយចំនួនទៀត ដូចជាផ្លូវ ប្រឡាយ…។ល។ លោកបានឲ្យមន្ត្រី មន្ទីរជំនាញ រួមជាមួយមន្ត្រីរដ្ឋបាលសាលាក្រុង ចុះសិក្សាវាយតម្លៃមិនឲ្យហួសក្នុងសប្តាហ៍ទី៣ នៃខែសីហានេះឡើយ៕

បាន​បង្ហោះ​ដោយ Fresh News TV នៅ ច័ន្ទ 12 សីហា 2019

(ពោធិ៍សាត់)៖ បន្ទាប់ពីការតាមដាន និងព្យាករណ៍លើស្ថានភាពអាកាសធាតុរួចមក ក្រសួងធនធានទឹក និងឧតុនិយម សូមជម្រាបជូនដំណឹងដល់ក្រសួង ស្ថាប័នពាក់ព័ន្ធ អាជ្ញាធរដែនដី និងសាធារណៈជនឲ្យបានជ្រាបថា ដោយសារឥទ្ធិពល នៃប្រព័ន្ធសម្ពាធទាប ដែលបានអូសកាត់ពីលើ ព្រះរាជាណាចក្រកម្ពុជា រហូតមកដល់ថ្ងៃទី១២ ខែសីហា ឆ្នាំ២០១៩នេះ។

ដោយឡែកនៅក្នុងខេត្តពោធិ៍សាត់ ស្ថានភាពទឹកស្ទឹងពោធិ៍សាត់ មានកំពស់ទឹកកើនឡើង ក្នុងកម្រិតមួយដែលត្រូវប្រកាសអាសន្ន។

©®2019 Ti Amo

ដើម្បីត្រៀមលក្ខណៈការពារគ្រោះធម្មជាតិទឹកជំនន់ តាមដងស្ទឹង ដែលអាចកើតមានក្នុងខេត្តពោធិ៍សាត់ មន្ទីរធនធានទឹក និងឧតុនិយមខេត្ត សូមជម្រាបថា បន្ទាប់ពីបានធ្វើការសង្កេតតាមដាន លើស្ថានភាពអាកាសធាតុ រួមមកឃើញថា មានភ្លៀងធ្លាក់ពីតំបន់ជួរភ្នំក្រវាញ ស្ទឹងអារ៉ៃ និងស្ទឹងធំ មានកម្រិតខ្ពស់មកលើដងស្ទឹងពោធិ៍សាត់។ ឥទ្ធិពលនៃស្ទឹងខាងលើនេះ និងធ្វើឲ្យទឹកស្ទឹងពោធិ៍សាត់ មានសន្ទុះកើនឡើង បន្តបន្ទាប់ និងអាចបង្កឲ្យ មានទឹកជំនន់ នៅក្នុងខេត្តពោធិ៍សាត់។

យោងតាមស្ថានភាពអាកាសធាតុខាងលើ មន្ទីរធនធានទឹក និងឧតុនិយមខេត្ត សូមជម្រាបជូនដំណឹងដល់អាជ្ញាធរក្រុង ស្រុក ឃុំ សង្កាត់ គ្រប់លំដាប់ថ្នាក់ និងប្រជាពលរដ្ឋទូទាំងខេត្តពោធិ៍សាត់ ពិសេសប្រជាពលរដ្ឋ រស់នៅតាមដងស្ទឹងពោធិ៍សាត់ និងស្ទឹងពាក់ព័ន្ធ សូមបង្កើនការយកចិត្តទុកដាក់ ប្រុងប្រយ័ត្នខ្ពស់ ដើម្បីជៀសវាង នូវគ្រោះថ្នាក់ផ្សេងៗ ដែលអាចកើតមានឡើង ដោយយថាហេតុ និងត្រៀមរកទីទួលសុវត្ថិភាព សម្រាប់ជន្លៀស ប្រជាពលរដ្ឋដែលងាយរងគ្រោះ៕

Ti Amo (ពស)

ទិដ្ឋភាពទូទៅ នៃក្រុងពោធិ៍សាត់ នាល្ងាចថ្ងៃទី១២ ខែសីហា ឆ្នាំ២០១៩

បាន​បង្ហោះ​ដោយ Pursat Provincial Hall នៅ ច័ន្ទ 12 សីហា 2019
ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
លេខអគ្គិភ័យគ្មាន
លេខសង្គ្រោះគ្រោះថ្នាក់ចរារចរណ៍គ្មាន
លេខទទួលព័ត៌មាន(ប៉ូលីស)គ្មាន
ព័ត៌មានជាប់ទាក់ទង

ផ្លូវលេខ១០១, ភូមិពាលញែក២, សង្កាត់ផ្ទះព្រៃ, ក្រុងពោធិ៍សាត់

អ៊ីមែល : pursat.info@gmail.com

លេខទូរស័ព្ទ : (+855) 17 992 724

© 2020

រក្សាសិទ្ធិគ្រប់យ៉ាងដោយ រដ្ឋបាលខេត្តពោធិ៍សាត់ CopyRight by Pursat Administration

កែប្រែចុងក្រោយ : 19 ម៉ោងមុន