រដ្ឋបាលខេត្តពោធិ៍សាត់

Pursat Administration

រដ្ឋបាលខេត្តពោធិ៍សាត់

Pursat Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

យប់នេះ! ក្រុមយុវជន ស.យ.ស.ស អនុសាខាក្រុងពោធិ៍សាត់ បន្តនាំយកអំណោយ ទៅប្រគល់ជូនដល់កងកម្លាំងប្រជាការពារ សង្កាត់ចំរើនផល ផ្ទះព្រៃ និងស្វាយអាត់ ខណៈកំពុងអនុវត្តវិធានការរដ្ឋបាល

ដោយ Adminចំនួនទស្សនា (205)

(ពោធិ៍សាត់)៖ ក្រុមសម្ពន្ធយុវជនស្រលាញ់សន្តិភាព អនុសាខាក្រុងពោធិ៍សាត់ នាយប់ថ្ងៃទី០២ ខែឧសភា ឆ្នាំ២០២១នេះ បានបន្តនាំយកអំណោយ របស់ឯកឧត្តម ប៉ាន់ ខែមប៊ុនថន នាយករងខុទ្ទកាល័យសម្ដេចតេជោ ហ៊ុន សែន និងជាប្រធានសម្ពន្ធយុវជនស្រលាញ់សន្តិភាព ទៅប្រគល់ជូនដល់កងកម្លាំង ប្រជាការពារ២៣ភូមិ ក្នុងសង្កាត់ចំរើនផល សង្កាត់ផ្ទះព្រៃ និងសង្កាត់ស្វាយអាត់ ក្រុងពោធិ៍សាត់ ដែលកំពុងឈរជើងតាមគោលដៅនីមួយៗ ក្នុងការអនុវត្តបន្ត វិធានការរដ្ឋបាល ដើម្បីទប់ស្កាត់ការរីករាលដាលជំងឺកូវីដ១៩ ក្នុងភូមិសាស្ត្រខេត្តពោធិ៍សាត់។

អំណោយដែលយកទៅប្រគល់ជូនគោលដៅនីមួយៗនោះ គឺបានមកតាមរយៈ លោក ឡូញ វិត អនុប្រធានសម្ពន្ធយុវជនស្រលាញ់សន្តិភាព អនុសាខាក្រុងពោធិ៍សាត់ ដោយក្នុងមួយគោលដៅទទួលបាន៖ ទឹកក្រូច១កេស, មី១កេស, គោជល់កន្លះកេស, ត្រីខ១ឡូ, ទឹកសុទ្ធ២យួរ, មីឆា១ប្រអប់ធំ និងសាវម៉ាវ១គីឡូក្រាម។ ដោយឡែកនៅថ្ងៃស្អែក ក្រុមសម្ពន្ធយុវជនស្រលាញ់សន្តិភាព អនុសាខាក្រុងពោធិ៍សាត់ នឹងបន្តនាំយកអំណោយទាំងនោះ ទៅប្រគល់៣សង្កាត់បន្ថែមទៀត គឺសង្កាត់បន្ទាយដី សង្កាត់រលាប និងសង្កាត់លលកស លើ៣៥ភូមិ។

សូមបញ្ជាក់ថា កាលពីថ្ងៃទី២៩ ខែមេសា ឆ្នាំ២០២១កន្លងទៅ រដ្ឋបាលខេត្តពោធិ៍សាត់ បានចេញសេចក្តីសម្រេចលេខ ០២០/២១ សសរ ស្តីពីការបន្តដាក់វិធានការរដ្ឋបាល ដើម្បីទប់ស្កាត់កូវីដ ចំនួន១សប្តាហ៍ទៀត ចាប់ពីថ្ងៃទី២៩ ខែមេសា រហូតដល់ថ្ងៃទី០៥ ខែឧសភា ឆ្នាំ២០២១ ដែលមានខ្លឹមសារដូចខាងក្រោម៖

-ផ្អាកជាបណ្តោះអាសន្ន សកម្មភាពទទួលភ្ញៀវសម្រាប់អាជីវកម្មរួមមាន៖ ភោជនីយដ្ឋាន អាហារដ្ឋាន តូប លក់ចល័ត ម៉ាត ហាងលក់ទំនិញគ្រប់ប្រភេទ ដែលនាំឱ្យមានមនុស្សជួបជុំក្នុងចំនួនច្រើន ត្រូវបានហាមឃាត់ ប៉ុន្តែទីតាំងអាជីវកម្មទាំងនោះ អាចលក់ជាលក្ខណៈវេចខ្ចប់បាន។

-ផ្អាកជាបណ្តោះអាសន្ន រាល់ការជួបជុំតាមសួន និងទីសាធារណៈ ក្នុងភូមិសាស្ត្រខេត្តពោធិ៍សាត់ ចាប់ពីម៉ោង ២០និង០០នាទីយប់ រហូតដល់វេលាម៉ោង 0៥ និង០០នាទីព្រឹក។

-ផ្អាកជាបណ្តោះអាសន្ន រាល់ការលក់ដូរ និងពិសារគ្រឿងស្រវឹងគ្រប់ប្រភេទ។

ក្នុងសេចក្តីសម្រេចនោះ ករណីបុគ្គល ឬនីតិបុគ្គលទាំងឡាយណា ដែលមិនចូលរួមអនុវត្តសេចក្តីសម្រេចនេះ ត្រូវពិន័យអន្តរការណ៍ ស្របតាមសេចក្តីសម្រេចលេខ ១៧/២១សសរ.ខពស របស់រដ្ឋបាលខេត្តពោធិ៍សាត់ ស្តីពីការពិន័យអន្តរការណ៍ចំពោះបុគ្គល ដែលមិនគោរពវិធានការរដ្ឋបាល ក្នុងការទប់ស្កាត់ការឆ្លងរាលដាលជំងឺកូវីដ១៩ និងជំងឺឆ្លងកាចសាហាវ និងប្រកបដោយគ្រោះ ថ្នាក់ធ្ងន់ធ្ងរផ្សេងទៀត ក្នុងភូមិសាស្ត្រខេត្តពោធិ៍សាត់៕

Ti Amo (ពស)

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
លេខអគ្គិភ័យគ្មាន
លេខសង្គ្រោះគ្រោះថ្នាក់ចរារចរណ៍គ្មាន
លេខទទួលព័ត៌មាន(ប៉ូលីស)គ្មាន
ព័ត៌មានជាប់ទាក់ទង

ផ្លូវលេខ១០១, ភូមិពាលញែក២, សង្កាត់ផ្ទះព្រៃ, ក្រុងពោធិ៍សាត់

អ៊ីមែល : pursat.info@gmail.com

លេខទូរស័ព្ទ : (+855) 17 992 724

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តពោធិ៍សាត់ CopyRight by៖ Pursat Administration

កែប្រែចុងក្រោយ : 2 ថ្ងៃមុន