រដ្ឋបាលខេត្តពោធិ៍សាត់

Pursat Administration

រដ្ឋបាលខេត្តពោធិ៍សាត់

Pursat Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

រដ្ឋបាលខេត្តពោធិ៍សាត់ ច្រានចោលព័ត៌មានបំភ្លៃបំផ្លើស ករណីវិជ្ជមានកូវីដ-១៩ លើអ្នកទៅហូបនំបញ្ចុក នៅក្បាលហុង

ដោយ Adminចំនួនទស្សនា (1.9K)

(ពោធិ៍សាត់)៖ រដ្ឋបាលខេត្តពោធិ៍សាត់ សូមជម្រាបជូនសាធារណៈជន និងបងប្អូនប្រជាពលរដ្ឋរស់នៅក្នុងខេត្តពោធិ៍សាត់ មេត្តាជ្រាបថា៖ មានករណីផ្ញើរសារជាសំឡេងបង្ហោះតាមបណ្តាញសង្គមហ្វេកប៊ុក ហើយក៏មានការចែករំលែកតតគ្នា ដោយលើកឡើងថា ( មានករណីជនផ្ទុកជំងឺកូវីដ-១៩ ដោយមិនដឹងខ្លួន បានទៅហូបនំបញ្ចុក នៅក្បាលហុងពោធិ៍សាត់) ពីសំណាក់ជនមិនស្គាល់អត្តសញ្ញាណ ធ្វើឲ្យមានការភ័យខ្លាច និងព្រួយបារម្ភ ដល់បងប្អូនដែលរស់នៅទីនោះ។

ចំពោះករណីនេះ រដ្ឋបាលខេត្ត សូមគោរពជម្រាបជូនដល់សាធារណៈជន និងបងប្អូនប្រជាពលរដ្ឋរស់នៅក្នុង ខេត្តពោធិ៍សាត់មេត្តាជ្រាបថា៖ ករណីនេះគឺជាព័ត៌មានមិនពិត បំភ្លៃបំផ្លើសទាំងស្រុង គិតមកដល់ពេលនេះខេត្ត ពោធិ៍សាត់ពុំទាន់មានករណ៍វិជ្ជមានកូវីដ-១៩នោះទេ ដោយរដ្ឋបាលខេត្ត បានចូលរួមអនុវត្តន៍តាមការណែនាំរបស់រាជរដ្ឋា ភិបាលកម្ពុជា ក៏ដូចជាក្រសួងមហាផ្ទៃ ក្រសួងសុខាភិបាល យ៉ាងម៉ឺងម៉ាត់ជាទីបំផុត ដោយមានការចូលរួមពីកងកម្លាំង ប្រដាប់អាវុធគ្រប់ប្រភេទ និងមន្ទីរ-អង្គភាព អាជ្ញាធរក្រុង ស្រុក ឃុំ សង្កាត់ វិស័យឯកជន ព្រមទាំងមន្ត្រីរាជការ បងប្អូនប្រជា ពលរដ្ឋយ៉ាងយកចិត្តទុកដាក់ជាទីបំផុត។

ករណីនេះរដ្ឋបាលខេត្ត ដោយមានក្រុមការងារស្រាវជ្រាវ និងតាមដានបុគ្គលសង្ស័យផ្ទុកជម្ងឺកូវីដ-១៩ ដើម្បី ប្រយុទ្ធនឹងការរីករាលដាលជម្ងឺកូវីដ-១៩ ក្នុងខេត្តពោធិ៍សាត់ កំពុងធ្វើការស្រាវជ្រាវស្វែងរកជនដែលបានបង្ហោះព័ត៌មាន មិនពិតធ្វើឲ្យមានភាន់ច្រឡំដល់សាធារណៈជន ក៏ដូចជាបងប្អូនប្រជាពលរដ្ឋរស់នៅខេត្តពោធិ៍សាត់ ដើម្បីចាត់វិធាន ការណ៍តាមផ្លូវច្បាប់តាមនីតិវិធីច្បាប់។

សេចក្តីដូចបានជម្រាបជូនខាងលើ សូមសាធារណៈជន និងបងប្អូនប្រជាពលរដ្ឋរស់នៅក្នុងខេត្ត ពោធិ៍សាត់មេត្តាជ្រាបជាព័ត៌មាន និងបន្តចូលរួមអនុវត្តវិធានការ ៣ ការពារ ៖ ត្រូវពាក់ម៉ាស ត្រូវលាងដៃ និង ត្រូវរក្សាគម្លាតបុគ្គល ៣កុំ៖ កុំនៅបន្ទប់បិទជិត កុំនៅកន្លែងកុះករ និងកុំប៉ះពាល់គ្នា៕

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
លេខអគ្គិភ័យគ្មាន
លេខសង្គ្រោះគ្រោះថ្នាក់ចរារចរណ៍គ្មាន
លេខទទួលព័ត៌មាន(ប៉ូលីស)គ្មាន
ព័ត៌មានជាប់ទាក់ទង

ផ្លូវលេខ១០១, ភូមិពាលញែក២, សង្កាត់ផ្ទះព្រៃ, ក្រុងពោធិ៍សាត់

អ៊ីមែល : pursat.info@gmail.com

លេខទូរស័ព្ទ : (+855) 17 992 724

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តពោធិ៍សាត់ CopyRight by៖ Pursat Administration

កែប្រែចុងក្រោយ : 2 ថ្ងៃមុន