រដ្ឋបាលខេត្តពោធិ៍សាត់

Pursat Administration

រដ្ឋបាលខេត្តពោធិ៍សាត់

Pursat Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សម្តេចពិជ័យសេនា ទៀ បាញ់ អំពាវនាវដល់អង្គភាពពាក់ព័ន្ធ និងរដ្ឋបាលខេត្ត ត្រូវរៀបចំតំបន់អតីតសមរភូមិ ឱ្យក្លាយជាតំបន់ទេសចរណ៍ប្រវត្តិសាស្ត្រ (Video inside)

ដោយ Adminចំនួនទស្សនា (338)

(ពោធិ៍សាត់)៖ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នាថ្ងៃទី០៦ ខែមីនា ឆ្នាំ២០២១ បានអំពាវនាវ ដល់អង្គភាពពាក់ព័ន្ធ និងរដ្ឋបាលខេត្ត ត្រូវរៀបចំតំបន់អតីតសមរភូមិនេះ ឱ្យក្លាយជាតំបន់ទេសចរណ៍ប្រវត្តិសាស្ត្រ ដើម្បីទាក់ទាញភ្ញៀវទេសចរណ៍ជាតិ និងអន្តរជាតិ ឱ្យចូលទស្សនា និងបានយល់កាន់តែច្បាស់ អំពីប្រវត្តិសាស្ត្ររបស់កម្ពុជា ក្នុងសម័យរបបកម្ពុជាប្រជាធិបតេយ្យ។

ការអំពាវនាវរបស់សម្តេចពិជ័យសេនា ត្រូវបានធ្វើឡើងក្នុងឱកាសចុះត្រួតពិនិត្យទីតាំងតំបន់​ប្រវត្តិសាស្ត្រ​យោធា​ ក្នុងខេត្តពោធិ៍សាត់ និងជួបសំណេះសំណាល សួរសុខទុក្ខ ដល់កងកម្លាំងប្រដាប់អាវុធ ដើម្បីអបអរសាទរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។

សម្តេចពិជ័យសេនា ទៀ បាញ់ បានថ្លែងថា ទីតាំង​តំបន់ប្រវត្តិសាស្ត្រ​យោធា​ ច្រកចង្អៀត ក្រពើពីរ និងទីតាំងតំបន់ប្រវត្តិសាស្ត្រយោធា តេជោ ភ្នំស្វារអិល ក៏ដូចជាទីតាំងតំបន់ប្រវត្តិសាស្ត្រដ៏ទៃទៀត ក្នុងស្រុកវាលវែង ​បាន​បន្សល់​ទុក​នូវ​​ដាន​ប្រវត្តិ​សាស្រ្ត​យោធា ​ពី​អតីត​កាល​ជាច្រើន ​ហើយ​ក៏​ជាទីតាំង​ដែល​មាន​លក្ខណៈ​ភូមិ​សាស្រ្តល្អ​ ក្នុងការផ្តល់​នូវ​យុទ្ធសាស្រ្ត​ការ​ពារ​ជាតិ​ បម្រើ​ឱ្យប្រៀប​លើ​សមរ​ភូមិ​ផង​ដែរ​។ សម្តេចបានបន្តថា ការសម្រេចសាង​សង់​ទីស្នាក់​ការ​ប្រវត្តិសាស្រ្ត​យោធានេះឡើង ​គឺពិតជា​បាន​ប្រមូល​ផ្តុំនូវ​តឹក​តាង​ប្រវត្តិ​សាស្រ្ត​នានា​ មក​តម្កល់​ទុក​ ដើម្បី​ប្រមូលផ្តុំ និង​ស្រាវ​ជ្រាវ​គោល​គំនិត​សំខាន់ៗ​ជា​ច្រើន​ទៀត សម្រាប់​ចង​ក្រងជា​ឯកសារ​រក្សាទុក​ ឱ្យកូនចៅជំនាន់ក្រោយបានដឹង បានយល់ និងសិក្សា​រៀន​សូត្រ​។ 

សម្តេចពិជ័យសេនា ទៀ បាញ់ បាន​ក្រើនរម្លឹកដល់កងកម្លាំងទាំងអស់ ត្រូវគោរពបទបញ្ជាឱ្យបានម៉ឺងម៉ាត់ ក្នុងស្មារតីទទួលខុសត្រូវ ដើម្បីបំពេញតួនាទីភារកិច្ចការពារខ្សែបន្ទាត់ព្រំដែន តាមគោលនយោបាយដឹកនាំរបស់រាជរដ្ឋាភិបាលកម្ពុជា ក្នុងនោះត្រូវមានទំនាក់ទំនងល្អជាមួយប្រទេសជិតខាង ដើម្បីប្រែក្លាយតំបន់ព្រំដែន ជាតំបន់សន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ។ ជាមួយគ្នានោះ សម្តេចពិជ័យសេនា ក៏បានផ្តាំផ្ញើឱ្យកងកម្លាំងប្រដាប់អាវុធទាំងអស់ ត្រូវបន្តចូលរួមជាមួយរាជរដ្ឋាភិបាល ក្នុងការបង្ការទប់ស្កាត់ការរីករាលដាលជំងឺឆ្លងកូវីដ១៩ ដោយត្រូវអនុវត្តន៍ឱ្យបានខ្ជាប់ខ្ជួន ពីវិធានការ ៣កុំ ៣ការពារ កុំឱ្យមានការឆ្លងក្នុងសហគមន៍ សំខាន់ក្នុងកងអង្គភាពកងទ័ព និងកុំជឿតាមការឃោសនាអកុសល របស់ជនអគតិមួយចំនួន អំពីបញ្ហាការចាក់វ៉ាក់សាំង។

ក្នុង​ឱកាសបុណ្យចូល​ឆ្នាំ​ថ្មី​ដែល​នឹង​ចូល​មក​ដល់​នា​ពេល​ខាង​មុខ សម្តេចពិជ័យសេនា ទៀ បាញ់ ក៏បាននាំយកអំណោយ និងថវិកាមួយចំនួន ទៅប្រគល់ជូនដល់កងកម្លាំងនៅទីនោះ និង​ជូនព​រ​ឆ្មាំថ្មី ​ដល់នាយ​ទាហាន ​​ពល​ទាហាន​​ ​សូមឱ្យ​មាន​សុខភា​ព​ល្អ​ បរិបូរណ៍ ​កំលាំង​ខ្លាំងក្លា ​និង​សម្រេចបាន​ជោគ​ជ័យ​ធំៗ​ថ្មីៗ​ថែម​ទៀត​ ក្នុង​ការ​បំពេញ​ភារកិច្ច​ជូន​ប្រទេស​ជាតិ មាតុភូមិ៕

Ti Amo (ពស)

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
លេខអគ្គិភ័យគ្មាន
លេខសង្គ្រោះគ្រោះថ្នាក់ចរារចរណ៍គ្មាន
លេខទទួលព័ត៌មាន(ប៉ូលីស)គ្មាន
ព័ត៌មានជាប់ទាក់ទង

ផ្លូវលេខ១០១, ភូមិពាលញែក២, សង្កាត់ផ្ទះព្រៃ, ក្រុងពោធិ៍សាត់

អ៊ីមែល : pursat.info@gmail.com

លេខទូរស័ព្ទ : (+855) 17 992 724

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តពោធិ៍សាត់ CopyRight by៖ Pursat Administration

កែប្រែចុងក្រោយ : 2 ម៉ោងមុន