រដ្ឋបាលខេត្តពោធិ៍សាត់

Pursat Administration

រដ្ឋបាលខេត្តពោធិ៍សាត់

Pursat Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

អភិបាលខេត្តពោធិ៍សាត់ ណែនាំដល់គណៈបញ្ជាការឯកភាពក្រុង ស្រុក ត្រូវពង្រឹងសន្តិសុខ សណ្តាប់ធ្នាប់ នៅតាមមូលដ្ឋានរបស់ខ្លួន ជៀសវាងភាពឆកល្វែង

ដោយ Adminចំនួនទស្សនា (276)

(ពោធិ៍សាត់)៖ នៅថ្ងៃចន្ទ ១១រោច ខែមាឃ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៨ ខែកុម្ភៈ ឆ្នាំ២០២១ រដ្ឋបាលខេត្តពោធិ៍សាត់ បានរៀបចំកិច្ចប្រជុំគណៈបញ្ជាការឯកភាពខេត្ត ដើម្បីពិនិត្យ និងវាយតម្លៃលើសភាពការណ៍ សន្តិសុខ សណ្តាប់ធ្នាប់សង្គមនៅក្នុងខេត្ត និងវិធានការការពារ និងទប់ស្កាត់ ការរីករាលដាល់ជំងឺកូវីដ១៩ ក្នុងឱកាសបុណ្យចូលឆ្នាំថ្មីប្រពៃណីជាតិចិន និងរៀតណាម។

កិច្ចប្រជុំនេះបានប្រារព្ធធ្វើឡើង នៅសាលប្រជុំសាលាខេត្ត ក្រោមអធិបតីភាព ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងជាប្រធានគណៈបញ្ជាការឯកភាពខេត្ត ព្រមទាំងមានការអញ្ជើញចូលរួមពីលោក លោកស្រីអភិបាលរងខេត្ត លោកមេបញ្ជាការ មេបញ្ជាការរង កងកម្លាំងប្រដាប់អាវុធទាំងបីប្រភេទ អភិបាលក្រុង ស្រុក លោក លោកស្រីជាប្រធាន អនុប្រធានមន្ទីរ អង្គភាពពាក់ព័ន្ធក្នុងខេត្តជាច្រើនរូបទៀត។

ឯកឧត្តម ម៉ៅ ធនិន បានលើកឡើងថា កិច្ចប្រជុំនេះមានគោលបំណង ដើម្បីពិនិត្យ និងវាយតម្លៃលើសភាពការណ៍  សន្តិសុខ សណ្តាប់ធ្នាប់សង្គមនៅក្នុងខេត្ត ជាពិសេសផ្សព្វផ្សាយឱ្យកាន់តែស៊ីជម្រៅ ពីវិធានការការពារ និងទប់ស្កាត់ ការរីករាលដាល់ជំងឺកូវីដ១៩ ក្នុងឱកាសបុណ្យចូលឆ្នាំថ្មីប្រពៃណីជាតិចិន និងរៀតណាម សំដៅលើកកម្ពស់ការអនុវត្តច្បាប់ ការថែរក្សាសន្តិសុខ សណ្តាប់ធ្នាប់សង្គម ទប់ស្កាត់បទល្មើស និងបាតុភាពនានា។

ឯកឧត្តមអភិបាលខេត្ត បានធ្វើការវាយតម្លៃខ្ពស់ចំពោះរដ្ឋបាល ក្រុង ស្រុក ដែលកន្លងមកខិតខំបំពេញតួនាទីភារកិច្ចប្រកបដោយការទទួលខុសត្រូវ ក្នុងកិច្ចការពារសុវត្ថិភាព សន្តិសុខ សណ្តាប់ធ្នាប់ ជូនប្រជាពលរដ្ឋបានយ៉ាងល្អប្រសើរ។ ឯកឧត្តមក៏បានចេញដាក់នូវវិធានការ និងបទបញ្ជាមួយចំនួន ដល់គ្រប់សមត្ថកិច្ច និងគណៈបញ្ជាការឯកភាពក្រុង ស្រុក ក្នុងការគ្រប់គ្រងនូវរាល់សភាពការណ៍ដែលកើតមាន បញ្ចៀសឱ្យបាននូវរាល់បាតុភាពផ្សេងៗ នៅតាមមូលដ្ឋាន ដោយធ្វើការជំរុញលើការអនុវត្តន៍ គោលនយោបាយភូមិ ឃុំ សង្កាត់ មានសុវត្ថិភាព ក្នុងការធានានូវសុវត្ថិភាព សន្តិសុខ សណ្តាប់ធ្នាប់ ជូនប្រជាពលរដ្ឋក្នុងខេត្ត។ ម៉្យាងទៀតត្រូវក្តាប់ឱ្យបាន នូវចំនួនប្រជាពលរដ្ឋ ដែលទើបនឹងវិលត្រឡប់ពីក្រៅប្រទេស តាមច្រករបៀង ជាពិសេសច្រកព្រំដែនមួយចំនួន ដែលជាប់នឹងប្រទេសថៃ។ ជាមួយគ្នានោះ មន្ទីរសុខាភិបាលខេត្ត ត្រូវរៀបចំទីតាំងសម្រាប់ទទួលធ្វើចត្តាឡីស័ក នៅច្រកព្រំដែនថ្មដា ដោយត្រៀមទាំងសម្ភារ និងអាហារហូបចុកឱ្យបានគ្រប់គ្រាន់។

នៅក្នុងកិច្ចប្រជុំនោះដែរ ឯកឧត្តមបានក្រើនរំលឹកដល់អាជ្ញាធរក្រុង ស្រុក និងមន្ទីរជំនាញ ត្រូវបន្តយកចិត្តទុកដាក់ ចុះត្រួតពិនិត្យជាក់ស្តែង ដើម្បីបញ្ជូនទឹក ឱ្យដល់ប្រជាកសិករ ដែលកំពុងស្តារឡើង នូវដំណាំស្រូវដែលរងផលប៉ះពាល់ ដោយគ្រោះទឹកជំនន់រយៈពេលកន្លងមក៕

Ti Amo (ពស)

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
លេខអគ្គិភ័យគ្មាន
លេខសង្គ្រោះគ្រោះថ្នាក់ចរារចរណ៍គ្មាន
លេខទទួលព័ត៌មាន(ប៉ូលីស)គ្មាន
ព័ត៌មានជាប់ទាក់ទង

ផ្លូវលេខ១០១, ភូមិពាលញែក២, សង្កាត់ផ្ទះព្រៃ, ក្រុងពោធិ៍សាត់

អ៊ីមែល : pursat.info@gmail.com

លេខទូរស័ព្ទ : (+855) 17 992 724

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តពោធិ៍សាត់ CopyRight by៖ Pursat Administration

កែប្រែចុងក្រោយ : 3 ម៉ោងមុន