រដ្ឋបាលខេត្តពោធិ៍សាត់

Pursat Administration

រដ្ឋបាលខេត្តពោធិ៍សាត់

Pursat Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

រយៈពេល៣ថ្ងៃ ក្នុងឱកាសបុណ្យភ្ជុំបិណ្ឌ ភ្ញៀវទេសចរដើរលេងកម្សាន្តតាមរមណីយដ្ឋាននានា ក្នុងខេត្តពោធិ៍សាត់ មានជាង៧ម៉ឺននាក់

ដោយ Adminចំនួនទស្សនា (321)

(ពោធិ៍សាត់)៖ ក្នុងឱកាសបុណ្យភ្ជុំបិណ្ឌ គិតចាប់ពីថ្ងៃទី១៦ ដល់១៨ ខែកញ្ញា ឆ្នាំ២០២០ (រយៈពេល ៣ថ្ងៃ) ភ្ញៀវទេសចរជាតិ ដែលមកកម្សាន្តតាមរមណីយដ្ឋាននានា នៅក្នុងខេត្តពោធិ៍សាត់ មានចំនួន៧២,៣១២ នាក់ បើប្រៀបធៀបនឹងរយៈពេលដូចគ្នាកើនឡើង ៤៣,៣២% (ភ្ញៀវឆ្នាំ២០១៩ សរុបចំនួន ៥០,៥០៦នាក់)។ ដោយឡែកភ្ញៀវទេសចរអន្តរជាតិ សរុបចំនួន៧៧នាក់ បើប្រៀបធៀបនឹងរយៈពេលដូចគ្នាមានការកើនឡើង ១៤៨% (ភ្ញៀវឆ្នាំ២០១៩ សរុបចំនួន ៣១នាក់)

បើតាមលោក សំ ឃីម ប្រធានមន្ទីរទេសចរណ៍ខេត្តពោធិ៍សាត់ បានឱ្យដឹងថា ចំនួនភ្ញៀវទេសចរជាតិ ដែលមកលេងកំសាន្ត នាឱកាសបុណ្យភ្ជុំបិណ្ឌនៅឆ្នាំ២០២០នេះ៖

ថ្ងៃទី១៦ ខែកញ្ញា ឆ្នាំ២០២០ មានចំនួន ៧,៣៩៤នាក់

ថ្ងៃទី១៧ ខែកញ្ញា ឆ្នាំ២០២០ មានចំនួន ២,៧៦៤៨នាក់

ថ្ងៃទី១៨ ខែកញ្ញា ឆ្នាំ២០២០ មានចំនួន ៣៧,២៧០នាក់។

ភ្ញៀវទេសចរអន្តរជាតិ ដែលមកលេងកំសាន្ត នាឱកាសបុណ្យភ្ជុំបិណ្ឌនៅឆ្នាំ២០២០នេះ៖

ថ្ងៃទី១៦ ខែកញ្ញា ឆ្នាំ២០២០ មានចំនួន ១២នាក់

ថ្ងៃទី១៧ ខែកញ្ញា ឆ្នាំ២០២០ មានចំនួន ៦៣នាក់

ថ្ងៃទី១៨ ខែកញ្ញា ឆ្នាំ២០២០ មានចំនួន ០២នាក់។

លោកប្រធានមន្ទីរបានបន្ថែមថា ក្នុងចំណោមរមណីយដ្ឋានទាំងអស់មានរមណីយដ្ឋាន ចំនួន០៦កន្លែង ដែលមានភ្ញៀវច្រើនជាងគេគឺ៖

១-រមណីយដ្ឋានទឹកធ្លាក់ច្រកល្អៀង សរុបចំនួន១៥,១២១នាក់

២-រមណីយដ្ឋានវប្បធម៌ប្រវត្តិសាស្ត្រធម្មជាតិភ្នំនាគស សរុបចំនួន១៣,០៤០នាក់ ក្នុងនោះមានភ្ញៀវអន្តរជាតិ ចំនួន១០នាក់

៣-រីសតតាលោសែនជ័យ សរុបចំនួន៦,៣១៥នាក់

៤-រមណីយដ្ឋានទំនប់ឈើតោក សរុបចំនួន៥,០៧៨នាក់

៥-បូជនីយដ្ឋានប្រវត្តិសាស្ត្រឧកញ៉ាឃ្លាំងមឿង សរុបចំនួន២,៧១៣នាក់

៦-រមណីយដ្ឋានទឹកធ្លាក់ថ្មដាតូច សរុបចំនួន២,៣៩៦នាក់

លោកបានបន្តថា ក្នុងរយៈពេលពិធីបុណ្យភ្ជុំបិណ្ឌនេះដែរ មន្ទីរទេសចរណ៍ បានសហការជាមួយអាជ្ញាធរដែនដី និងប្រជាការពារភូមិ តាមរមណីយដ្ឋាន និងភោជនីយដ្ឋាន ធ្វើការផ្សព្វផ្សាយ អំពីវិធានការបង្កាទប់ស្កាត់ ជំងឺកូវីដ១៩ តាមការណែនាំរបស់ក្រសួងសុខាភិបាល។ ចំណែកការងារគ្រប់គ្រងសន្តិសុខ សណ្តាប់ សុវត្ថិភាព អនាម័យ បរិស្ថាននៅគ្រប់រមណីយដ្ឋាន គឺបានល្អប្រសើរ៕

Ti Amo (ពស)

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
លេខអគ្គិភ័យគ្មាន
លេខសង្គ្រោះគ្រោះថ្នាក់ចរារចរណ៍គ្មាន
លេខទទួលព័ត៌មាន(ប៉ូលីស)គ្មាន
ព័ត៌មានជាប់ទាក់ទង

ផ្លូវលេខ១០១, ភូមិពាលញែក២, សង្កាត់ផ្ទះព្រៃ, ក្រុងពោធិ៍សាត់

អ៊ីមែល : pursat.info@gmail.com

លេខទូរស័ព្ទ : (+855) 17 992 724

© 2020

រក្សាសិទ្ធិគ្រប់យ៉ាងដោយ រដ្ឋបាលខេត្តពោធិ៍សាត់ CopyRight by Pursat Administration

កែប្រែចុងក្រោយ : 5 ម៉ោងមុន