រដ្ឋបាលខេត្តពោធិ៍សាត់

Pursat Administration
ស្វែងរក

ប្រកាសចូលកាន់តំណែងស្នងការនគរបាលថ្មីខេត្តពោធិ៍សាត់, ឧត្តមសេនីយ៍ទោ ស ថេង ជំនួសឧត្តមសេនីយ៍ទោ សារុន ចាន់ធី ដែលចូលនិវត្តន៍

  • 693
  • ដោយ Admin

(ពោធិ៍សាត់)៖ ​ឯកឧត្តម នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ តំណាងសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ, ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត និងឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ នៅព្រឹកថ្ងៃទី១៤ ខែកញ្ញា ឆ្នាំ២០២០នេះ បានអញ្ជើញជាគណៈអធិបតី ក្នុងពិធីប្រកាសចូលកាន់តំណែងជាផ្លូវការរបស់ស្នងការថ្មី នៃស្នងការដ្ឋាននគរបាលខេត្តពោធិ៍សាត់។

ស្នងការថ្មី នៃស្នងការដ្ឋាននគរបាលខេត្តពោធិ៍សាត់ គឺលោកឧត្តមសេនីយ៍ទោ ស ថេង ជំនួសលោកឧត្តមសេនីយ៍ទោ សារុន ចាន់ធី ដែលត្រូវចូលនិវត្តន៍។

សូមជម្រាបថា លោកឧត្តមសេនីយ៍ទោ សារុន ចាន់ធី អតីតស្នងការនគរបាលខេត្តពោធិ៍សាត់ ត្រូវបានដាក់ឱ្យចូលនិវត្តន៍ និងត្រូវបានព្រះមហាក្សត្រ ចេញព្រះរាជក្រឹត្យ ត្រាស់បង្គាប់ជាទីប្រឹក្សាក្រសួងមហាផ្ទៃ មានឋានៈស្មើអនុរដ្ឋលេខាធិការ៕

អត្ថបទទាក់ទង