រដ្ឋបាលខេត្តពោធិ៍សាត់

Pursat Administration

រដ្ឋបាលខេត្តពោធិ៍សាត់

Pursat Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ប្រធានគណៈកម្មាធិការ សាខាកាកបាទក្រហមខេត្តពោធិ៍សាត់ នាំយកអំណោយមនុស្សធម៌ ផ្តល់ជូនប្រជាពលរដ្ឋងាយរងគ្រោះ ចំនួន១១៥គ្រួសារ ក្នុងស្រុកបាកាន (Video inside)

ដោយ Adminចំនួនទស្សនា (209)

(ពោធិ៍សាត់)៖ ឯកឧត្តម ម៉ៅ ធនិន អភិបាលនៃគណៈអភិបាលខេត្ត និងជាប្រធានគណ:កម្មាធិការ សាខាកាកបាទក្រហមកម្ពុជាខេត្តពោធិ៍សាត់ នាថ្ងៃទី៣១ ខែកក្កដា ឆ្នាំ២០២០នេះ បាននាំយកអំណោយមនុស្សធម៌ ផ្តល់ជូនប្រជាពលរដ្ឋងាយរងគ្រោះ «ចាស់ឥតទីពឹង, ជនមានពិការភាព, កុមារកំព្រា, ស្ត្រីមេម៉ាយ, អ្នកមានកូនច្រើន, អ្នកមានជំងឺរ៉ាំរ៉ៃ, ឬក្រីក្រ» ចំនួន១១៥គ្រួសារ មកពីភូមិចំបក់មាស ភូមិទួលខ្មែរ ភូមិត្រាំពែរ និងភូមិខ្មារ ក្នុងឃុំស្នាមព្រះ ស្រុកបាកាន ដោយក្នុងមួយគ្រួសារៗ ទទួលបាន អង្ករ២៥គីឡូក្រាម, ទឹកត្រី៦ដប, មីមួយកេសតូច និងថវិកា២ម៉ឺនរៀល។

ពិធីនេះប្រារព្ធធ្វើនៅបរិវេណវត្តចំបក់មាស ស្ថិតក្នុងភូមិចំបក់មាស ឃុំស្នាមព្រះ ស្រុកបាកាន ដោយបានការចូលរួមពីលោក ខូយ រីដា អភិបាលរងខេត្ត និងជាអនុប្រធានអចិន្ត្រៃយ៍ ព្រមទាំងគណៈកិត្តិយស លេខាធិការគណៈកម្មាធិការ សមាជិក សមាជិកា សាខាកាកបាទក្រហមខេត្ត និងអនុសាខាកាកបាទក្រហមស្រុកជាច្រើននាក់ទៀត។

មានមតិសំណេះសំណាល ឯកឧត្តម ម៉ៅ ធនិន បានពាំនាំការផ្ដាំផ្ញើការសួរសុខទុក្ខពីចម្ងាយ ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តែងតែយកចិត្តទុកដាក់ គិតគូរអំពីសុខទុក្ខរបស់ប្រជាពលរដ្ឋនៅទូទាំងប្រទេស ដោយមិនទុកឱ្យប្រជាពលរដ្ឋរបស់យើងណាម្នាក់ អត់ស្បៀងអាហារស្លាប់នោះទេ ត្រូវធ្វើយ៉ាងណាជួយប្រជាពលរដ្ឋ ឱ្យទាន់ពេលវេលា «ពោលគឺទីណាមានការលំបាក ទីនោះមានកាកបាទក្រហមកម្ពុជា»។

ឯកឧត្តមបានបន្ថែមថា អំណោយទាំងអស់នេះអាចជួយសម្រួលការខ្វះខាតរបស់បងប្អូនបានរយៈពេលខ្លី ប្រសិនបើមានការខ្វះខាតឬបញ្ហាផ្សេងៗ ត្រូវផ្តល់ដំណឹងមកមេភូមិ មេឃុំ ឬអាជ្ញាធរស្រុក ជាពិសេសលេខទូរស័ព្ទទាំង២ប្រព័ន្ធរបស់ឯកឧត្តម ដើម្បីយើងមានវិធានការឆ្លើយតបបានទាន់ពេលវេលា ដោយមិនទុកឱ្យប្រជាពលរដ្ឋណាម្នាក់ ស្លាប់ដោយអត់អាហារនោះទេ។ ម្យ៉ាងវិញទៀតការនាំយកអំណោយចែកជូនប្រជាពលរដ្ឋងាយរងគ្រោះនាពេលនេះ ដោយមិនប្រកាន់វណ្ណៈ ជាតិ សាសន៍ ពណ៌សម្បុរ ឬនិន្នាការនយោបាយអ្វីនោះឡើយ គឺយើងជួយពួកគាត់ក្នុងនាមមនុស្សធម៌ និងជាវប្បធម៌នៃការចែករំលែក។

ជាមួយគ្នានោះ ឯកឧត្តម ម៉ៅ ធនិន ក៏បានជម្រាបជូនអំពីសមិទ្ធផលធំៗ ដូចជាទំនប់ទី៣ ទំនប់ទី៥ ទំនប់ដំណាក់ឈើក្រំ និងប្រឡាយមេ ប្រឡាយរង ប្រឡាយក្អែបជាច្រើនទៀត ដែលប្រជាពលរដ្ឋក្នុងខេត្តពោធិ៍សាត់ ទទួលបានពីសម្តេចតេជោ ហ៊ុន សែន ប្រមុខនៃរាជរដ្ឋាភិបាលកម្ពុជា។ ឯកឧត្តមក៏បានផ្តាំផ្ញើឱ្យបងប្អូនប្រជាពលរដ្ឋទាំងអស់ ត្រូវចេះថែរទាំសុខភាព ត្រូវមានអនាម័យជាប់ជាប្រចាំ ក្នុងការចូលរួមទប់ស្កាត់ រលកទី២ នៃជំងឺកូវីដ១៩ ដោយអនុវត្តឱ្យបានត្រឹមត្រូវ តាមការណែនាំរបស់ក្រសួងសុខាភិបាល។

ក្នុងនាមរដ្ឋបាលខេត្ត ឯកឧត្តមសូមឱ្យលោកមេឃុំ មេភូមិ មន្ត្រីនគរបាលរដ្ឋបាល និងប្រជាការពារ ខិតខំបម្រើសេវាសាធារណៈ រក្សាការពារ សន្តិសុខ សណ្តាប់ធ្នាប់ លុបបំបាត់ភាពអសកម្មនានា សំដៅធ្វើយ៉ាងណាផ្តល់នូវភាពកក់ក្តៅជូនប្រជាជននៅមូលដ្ឋាន ឱ្យកាន់តែប្រសើរឡើង។

ឆ្លៀតក្នុងឱកាសនោះ ឯកឧត្តម ម៉ៅ ធនិន បានបន្តចុះជួបសំណេះសំណាលសួរសុខទុក្ខលោកគ្រូ អ្នកគ្រូ និងក្មួយៗក្រុមប្រឹក្សាយុវជន ក្នុងសាលាបឋមសិក្សាចំបក់មាស ព្រមទាំងពិនិត្យហេដ្ឋារចនាសម្ព័ន្ធនានា ដែលមាននៅក្នុងសាលាផងដែរ៕

Ti Amo (ពស)

ព្រឹត្តិការណ៍ព័ត៌មាន
សេវាពេញនិយម
សេវាថ្មីៗ
លេខអគ្គិភ័យគ្មាន
លេខសង្គ្រោះគ្រោះថ្នាក់ចរារចរណ៍គ្មាន
លេខទទួលព័ត៌មាន(ប៉ូលីស)គ្មាន
ព័ត៌មានជាប់ទាក់ទង

ផ្លូវលេខ១០១, ភូមិពាលញែក២, សង្កាត់ផ្ទះព្រៃ, ក្រុងពោធិ៍សាត់

អ៊ីមែល : pursat.info@gmail.com

លេខទូរស័ព្ទ : (+855) 17 992 724

© 2020

រក្សាសិទ្ធិគ្រប់យ៉ាងដោយ រដ្ឋបាលខេត្តពោធិ៍សាត់ CopyRight by Pursat Administration

កែប្រែចុងក្រោយ : 15 នាទីមុន